A vueltes cola perrera

COMISIÓN INFORMATIVA DEL 13 d’ Avientu:

Olga Álvarez (IU-BA-Verdes) entruga al Alcalde si tién delles nueves de la perrera’l Conceyu.

L’Alcalde retruca que’l Conceyu tién una finca en Rozaes de Bazuelu afayaiza, averada al agua y a la lluz, y más tamién fai falta poca obra pa facer una carril d’accesu. Apurrieron-yos dende L.lena unos planos de una sociedá proteutora, tán n’estudio.

Olga pidio-yos qu’estudiaren toles ubicaciones posibles pa topar la más afayaíza. Más tamién entrugo-yos poles semeyes de los perrinos, que si foren ya asoleyaes na web del Conceyu Mieres.

La Conceyala responsable dixo qu’ainda non, que tán los perros en revisión veterinaria, agora.

COMISIÓN INFORMATIVA del 18 d’Avientu:

Olga Álvarez (IU-BA-Verdes) entruga al Alcalde si tién delles nueves de la perrera’l Conceyu.

L’Alcalde retruca qu’entamaren yá a iguar el proyeutu pa guardar 80 perros.

Olga pidi pa 100.

(…)
Luis Á. Payo (voceru IU-BA-Verdes) diz de mirar tamién delles finques que apurriera HUNOSA al Conceyu al desendolcar los polígonos industriales, hay cuantayá.

Mos diz Olga:
«Cuéntovos un poquiñín mas. Primeru davos les gracies, nun atalantáis lo perimportante que ye sentir que táis ehí sofitando y apurriendo el gavitu cuando se vos pidi.
Gracies Xuacu por sacar tiempu de una mañana que de xuro taba replada.

Lo postreru ye que teo comisión de mediu ambiente extraodinaria de llunes para debatir a quién se y-da el tema.
La meyor ye una proteutora que nun tienen albergue. Habría de anidiar el nueso fasta que se faga el nuevu. La xente de obres del Conceyu nun lo ve torgao. Taba terriblemente puercu, paicía que nun toviere suelu, por xemplu, pero haylo; namái que tá embaxo una cotra mierda d’un cote gordo. Iguando a más los zarros, encalar y techar, pa unos meses quedaría iguá. Si non, ye que nun sé que proponer pa los perros, toles proteutores municipales tán fasta riba, y ye imposible que los acueigan; y el albergue onde tán nun espurre más.
Gracies y ya vos cuento.»

Otres opciones que planteguen pa votar el llunes ye dalo a una empresa (nun ye aceptable pa nós pola empresa que quieren, que ye más bien pal exterminiu) o sacalo a concursu.
Nun vos preocupar, nun vamos consentir en dir de lo malo pa lo peor.

Comentario Cerrado